RMC Sport хабарига кўра, Поль Погбанинг акаси Маттиа судгача ҳибсга олинган.
Манбага кўра, ярим ҳимоячининг катта акаси уюшган жиноий гуруҳ таркибида товламачилик ва жиноий тил бириктиришда айбланган. Барча гумонланувчилар судгача ҳибсга олинган.
Олдинроқ “Ювентус” ярим ҳимоячиси уюшган жиноий гуруҳ томонидан товламачилик ва таҳдидлар қурбони бўлганини айтганди. Маълум бўлишича, Погбанинг бу жиноий гуруҳга кирувчи акаси уни 13 миллион еврога яқин пул билан шантаж қилади.
Август ойида ўтказилган дастлабки терговдан сўнг Париж прокуратураси ҳозирча номаълум шахсга нисбатан шантаж, одам ўғирлаш ва жиноий фитнада иштирок этиш каби айбловларни кўриб чиқишини айтди.
