"Монако" ва "Барселона"нинг собиқ футболчиси Людовик Жюли "ПСЖ"да тўп сураётган аргентиналик ҳужумчи Лионель Мессининг ҳозирги ўйин даражаси ҳақида ўз фикрлари билан ўртоқлашди.
“Месси аввалгидек эмас, лекин унинг ўйинида сифат ҳали ҳам мавжуд. Ҳозир Лео жамоада охирги пасни беради. У 35 ёшида ўйин услубини ўзгартирди. Бу ёш ва тажрибали ўйинчилар учун яхши ўрнак", - деди Жюли Le Parisien билан суҳбатда.
Франция чемпионатининг жорий мавсумида Месси еттита учрашувда қатнашиб, учта гол ва еттита голли узатмани амалга оширди. Унинг парижликлар билан шартномаси келаси йил ёзида тугайди.
