"Блэкберн" ҳужумчиси Бен Бреретон бир вақтнинг ўзида бир нечта испан клубларининг эътиборини тортди, деб хабар бермоқда Football Insider.
Манба берган хабарга кўра, 23 ёшли чилилик футболчининг хизматларига "Вильярреал", "Валенсия", "Реал Сосьедад" ва "Сельта" клублари қизиқиш билдирмоқда. Қайд этилишича, ушбу клублар футболчига ҳозирданоқ таклиф тайёрламоқда.
Қолаверса, Англиянинг “Эвертон” ва “Лидс” клублари ҳам Бреретонни яқиндан кузатиб боришмоқда.
Чемпионшипнинг жорий мавсумида (Англиянинг иккинчи энг кучли дивизиони) ҳужумчи 10 та ўйин ўтказиб, 4 та гол ва битта голли узатмани амалга оширди. Transfermarkt портали Чили терма жамоаси футболчисини 16 миллион еврога баҳоламоқда.
