"Барселона"нинг сафар либоси кейинги мавсумда оқ рангда бўлади. Каталония клуби охирги марта 40 йилдан кўпроқ вақт олдин оқ либосдан фойдаланган. Маълумотни футбол клублари формалари ҳақидаги ички маълумотларга ихтисослашган Footy Headlines портали тарқатди.

Қайд этилишича, “Барселона”нинг 2023/2024 йилги мавсумдаги оқ меҳмон либосида клубнинг ретро-эмблемаларини кўриш мумкин.

Испания чемпионатининг сўнгги олти турида “Барселона” бешта ғалаба ва бир дурангга эришди. Бу каталонияликларнинг сўнгги беш йилдаги Ла Лигадаги энг яхши старти.

"Барселона" навбатдаги ўйинни 1 октябрь куни чемпионат доирасида "Мальорка" жамоасига қарши ўтказади.