"Ювентус" мураббийи Марко Ландуччи А Серия доирасида "Монца" жамоасидан учралган мағлубият (0:1) ҳақида фикр билдирди.
"Балки, "Бенфика"га мағлуб бўлганимиз психологиямиз учун биз ўйлагандан кўра каттароқ зарба бўлгандир, аммо буларнинг барчаси баҳона ва улардан фойда йўқ. Биз оғзимизни юмиб, ишлашимиз керак.
Албатта, бу ҳолатда ҳеч ким хурсанд эмас, лекин ҳамма нарсани ўзгартириш учун биз фақат кўпроқ ишлашимиз мумкин. Биз ўйинларни яхши бошлаймиз, лекин кейин ўйнашни тўхтатамиз. Буни тузатишнинг ягона йўли - ишлаш.
Тўрт-беш футболчининг йўқлиги сезилиб туриши аниқ, лекин бу баҳона бўлмаслиги керак. Биз фақат яхшироқ ўйнашимиз, бошимизни кўтаришимиз ва жавобни сўз билан эмас, майдонда айтишимиз керак.
Муаммоларимизни ечиш мумкин, ишончим комилки, биз яхшилаймиз. Ҳозир ҳамма нарса қора рангларда кўринмоқда, аммо биз туннел охиридаги ёруғликни кўришимиз керак", деди Массимилиано Аллегри йўқлигида жамоани бошқарган мутахассис.
