"Yuventus" murabbiyi Marko Landuchchi A Seriya doirasida "Monsa" jamoasidan uchralgan mag‘lubiyat (0:1) haqida fikr bildirdi.
"Balki, "Benfika"ga mag‘lub bo‘lganimiz psixologiyamiz uchun biz o‘ylagandan ko‘ra kattaroq zarba bo‘lgandir, ammo bularning barchasi bahona va ulardan foyda yo‘q. Biz og‘zimizni yumib, ishlashimiz kerak.
Albatta, bu holatda hech kim xursand emas, lekin hamma narsani o‘zgartirish uchun biz faqat ko‘proq ishlashimiz mumkin. Biz o‘yinlarni yaxshi boshlaymiz, lekin keyin o‘ynashni to‘xtatamiz. Buni tuzatishning yagona yo‘li - ishlash.
To‘rt-besh futbolchining yo‘qligi sezilib turishi aniq, lekin bu bahona bo‘lmasligi kerak. Biz faqat yaxshiroq o‘ynashimiz, boshimizni ko‘tarishimiz va javobni so‘z bilan emas, maydonda aytishimiz kerak.
Muammolarimizni yechish mumkin, ishonchim komilki, biz yaxshilaymiz. Hozir hamma narsa qora ranglarda ko‘rinmoqda, ammo biz tunnel oxiridagi yorug‘likni ko‘rishimiz kerak", dedi Massimiliano Allegri yo‘qligida jamoani boshqargan mutaxassis.
