Кеча Мадриднинг топ-клублари – “Реал” ва “Атлетико” ўртасида навбатдаги дерби бўлиб ўтди. "Метрополитано" стадионида бўлиб ўтган учрашув "қаймоқранглилар"нинг 2:1 ҳисобидаги ғалабаси билан якунланди.
Cope нашрининг хабарига кўра, бу ўйин "қироллик клуби" бош мураббийи Карло Анчелотти учун жамоа бошқарувидаги 184-учрашув бўлди. У бу статистикада Луис Моловнини ортда қолдириб, бешинчи ўринга кўтарилди. Шунингдек, топ-бешликка Лео Беенхаккер (197), Висенте дель Боске (246), Зинедин Зидан (263) ва Мигель Муньослар (605) киритилган.
"Реал" 54 йил ичида энг яхши мавсумни бошлади. Анчелотти шогирдлари кетма-кет тўққизта ғалабага эришди.
