Немис клуби сайти хабарига кўра, Макс Эберль "Лейпциг" спорт директори лавозимини эгаллади.
48 ёшли мутахассис 15 декабрдан бошлаб клубда иш бошлайди, у билан узоқ муддатли шартнома имзоланган.
Бунгача у Мёнхенгладбахнинг "Боруссия" клуби спорт директори лавозимида ишлаган. Январь ойида у кетишини чарчоқ ва футболдан танаффус олиш истаги билан изоҳлаб, клубни тарк этди.
"Лейпциг" айни дамда Бундеслигада 7 ўйинда 8 очко билан 12-ўринда бормоқда.
Мавсум бошида клуб бош мураббий Доменико Тедескони истефога чиқарди ва унинг ўрнига Марко Розени таклиф қилди.
