"Ювентус" мавсумни анча ёмон бошлади ва бу фонда Массимилиано Аллегри жиддий босим остида қолмоқда.
Турин клуби мураббийни алмаштириш борасида қарор қабул қилишга шошилмаяпти, аммо вазият яхшиланмаса, “кекса синёра” бошлиқларида танлов қолмаслиги мумкин.
Шу билан бирга, Аллегрининг ишдан бўшатилиши «Ювентус» учун молиявий жиҳатдан даҳшатли туш бўлади - мутахассиснинг амалдаги шартномаси 2024/2025 йилги мавсум охиригача, йилига 9 миллион евро маош билан тузилган.
Бундай вазиятда клуб топ-мураббийни таклиф қила олмайди, аксинча, арзонроқ вариантларни кўриб чиқишга мажбур бўлади.
Football Italia хабарига кўра, аниқ номзод ҳозирда "Ювентус" ёшлар жамоасида ишлаётган Паоло Монтеро бўлиб турибди. Унинг клуб билан шартномаси бор, шунинг учун туринликлар ортиқча пул сарфламоқчи эмас.
