"Бавария" президенти Герберт Хайнер бош мураббий Юлиан Нагельсманнинг истеъфога чиқарилиши мумкинлиги ҳақида фикр билдирди.
“Биз Юлианга ва бутун жамоамизга тўлиқ ишонамиз. Халқаро танаффусдан кейин “Бавария” ҳар доимгидек бор кучи билан ишлашда давом этади”, - дея Хайнернинг сўзларидан иқтибос келтиради журналист Фабрицио Романо.
“Бавария” Германия чемпионатининг 7-турида “Аугсбург”га ютқазди (0:1) ва 2020 йил февралидан бери илк бор Германия чемпионати ўйинида гол ура олмади. Мюнхен клуби 2001 йилдан бери биринчи марта кетма-кет тўртта учрашувдан бери Бундеслигада ғалаба қозона олмаяпти.
