Уругвайнинг "Насьонал" клуби президенти Хосе Фуентес ҳужумчи Луис Суарес шу йилнинг декабрь ойида шартномаси якунланганидан кейин жамоани тарк этишини маълум қилди.
“Биз шундай келишиб олдик. У бизнинг сафимизга келиш учун жуда кўп ҳаракат қилди ва ҳар сафар мендан сўралганда, тушунмовчилик яратмаслик учун буни айтаман. Суарес кетмоқда ва у ҳам шундай деди", - дея Фуентеснинг сўзларидан иқтибос келтирган Уругвай ОАВ.
Суарес "Барселона", "Ливерпуль", "Аякс" ва "Атлетико Мадрид" клубларида ўйнаганлиги билан танилган. Ўтган ёзда 35 ёшли футболчи эркин агент сифатида "Насьонал"га ўтганди.
