Urugvayning "Nasyonal" klubi prezidenti Xose Fuyentes hujumchi Luis Suares shu yilning dekabr oyida shartnomasi yakunlanganidan keyin jamoani tark etishini ma’lum qildi.
“Biz shunday kelishib oldik. U bizning safimizga kelish uchun juda ko‘p harakat qildi va har safar mendan so‘ralganda, tushunmovchilik yaratmaslik uchun buni aytaman. Suares ketmoqda va u ham shunday dedi", - deya Fuyentesning so‘zlaridan iqtibos keltirgan Urugvay OAV.
Suares "Barselona", "Liverpul", "Ayaks" va "Atletiko Madrid" klublarida o‘ynaganligi bilan tanilgan. O‘tgan yozda 35 yoshli futbolchi erkin agent sifatida "Nasyonal"ga o‘tgandi.
