"Бавария"да мураббий алмашиши мумкинлиги ҳақидаги миш-мишлар ҳақида аввалроқ хабар берган эдик, шу муносабат билан яқинда "Челси"дан истеъфога чиқарилган Томас Тухел номи тилга олинди. Аммо Мюнхен клубининг афсонавий собиқ футболчиси Лотар Маттеуснинг ўзи бундай танловга қарши чиқди.
"Нагелсманн "Бавария" учун тўғри мураббий. У, албатта, ишдан бўшатилмаслиги керак. Назаримда, “Бавария” раҳбарияти унга ишонади, унга беш йиллик шартнома таклиф қилишлари бежиз эмас. Лекин, албатта, ҳозир у қисқа мураббийлик фаолиятидаги энг қийин даврни бошдан кечирмоқда", дея Маттеуснинг сўзларидан иқтибос келтирмоқда Италиянинг ITASportPress агентлиги.
