Туриннинг “Ювентус” клуби бош мураббий Массимилиано Аллегрини ишдан бўшатган тақдирда жиддий товон пули тўлаши керак бўлади. Бу Calcio e Finanza журналистларига маълум бўлди.

Нашрнинг ёзишича, 55 ёшли мураббийнинг ишдан бўшатилиши "кекса синьора" эгаларига 36 миллион еврога тушади. Массимилианонинг клуб билан амалдаги меҳнат шартномаси 2025 йилнинг ўрталарига қадар тузилган.

Турин гранди сўнгги ўйинда "Монца"дан 0:1 ҳисобида сенсацион мағлубиятга учради.

Италия чемпионатининг етти тур якунларига кўра, “Ювентус” турнир жадвалида саккизинчи ўринни эгаллаб турибди.