"Бавария" президенти Герберт Хайнер жамоанинг Германия Бундеслигасининг янги мавсумини ёмон бошлагани ҳақида фикр билдирди. Еттинчи тур якунларига кўра, клуб турнир жадвалида бешинчи ўринни эгаллаб турибди.
"Тўртта ўйинда ғалаба қозонмаслик - аламли натижа. Бу биз ва мухлислар кутган нарса эмаслиги аниқ. Ҳар бир ўйинда жамоа жуда кўп вазиятлар яратади, лекин уларни голга айлантира олмайди. Бу бизнинг кўрсаткичларимизда акс этади. Бироқ, мавсум яқинда бошланди, мақсадларимизга эришиш учун бизда ҳамма нарса бор", - деди "Бавария" раҳбари TZ билан суҳбатда.
Олдинроқ мавсум старти омадсиз бўлгани учун "Бавария" Юлиан Нагельсманни истеъфога чиқариши мумкинлиги ҳақида хабар берилганди.
