"Bavariya" prezidenti Gerbert Xayner jamoaning Germaniya Bundesligasining yangi mavsumini yomon boshlagani haqida fikr bildirdi. Yettinchi tur yakunlariga ko‘ra, klub turnir jadvalida beshinchi o‘rinni egallab turibdi.
"To‘rtta o‘yinda g‘alaba qozonmaslik - alamli natija. Bu biz va muxlislar kutgan narsa emasligi aniq. Har bir o‘yinda jamoa juda ko‘p vaziyatlar yaratadi, lekin ularni golga aylantira olmaydi. Bu bizning ko‘rsatkichlarimizda aks etadi. Biroq, mavsum yaqinda boshlandi, maqsadlarimizga erishish uchun bizda hamma narsa bor", - dedi "Bavariya" rahbari TZ bilan suhbatda.
Oldinroq mavsum starti omadsiz bo‘lgani uchun "Bavariya" Yulian Nagelsmanni iste’foga chiqarishi mumkinligi haqida xabar berilgandi.
