Ўтган ёзда Мюнхеннинг "Бавария" клубидан "Барселона" сафига кўчиб ўтган марказий ҳужумчи Роберт Левандовски Испания ва Германия чемпионатлари ўртасидаги фарқни айтди.
“Бундеслигада кўпроқ атлетизм бор. Ла Лигага келсак, техник футбол ўйнашга ҳаракат қилаётган жамоалар кўп. Ҳозирча менда шундай фикр бор, аммо вақт ўтиши билан у ўзгариши мумкин", - деди Левандовски Przeglad Sportowy билан суҳбатда.
34 ёшли ҳужумчи "кўк-анорранглилар" билан мавсумни муваффақиятли бошлади. Роберт Ла Лиганинг 6 та ўйинида 8 та гол урди ва 2 та голли узатмани амалга оширди.
