O‘tgan yozda Myunxenning "Bavariya" klubidan "Barselona" safiga ko‘chib o‘tgan markaziy hujumchi Robert Levandovski Ispaniya va Germaniya chempionatlari o‘rtasidagi farqni aytdi.

“Bundesligada ko‘proq atletizm bor. La Ligaga kelsak, texnik futbol o‘ynashga harakat qilayotgan jamoalar ko‘p. Hozircha menda shunday fikr bor, ammo vaqt o‘tishi bilan u o‘zgarishi mumkin", - dedi Levandovski Przeglad Sportowy bilan suhbatda.

34 yoshli hujumchi "ko‘k-anorranglilar" bilan mavsumni muvaffaqiyatli boshladi. Robert La Liganing 6 ta o‘yinida 8 ta gol urdi va 2 ta golli uzatmani amalga oshirdi.