"Бавария" ҳимоячиси Маттейс де Лигт Туриннинг "Ювентус" клубидан Юлиан Нагельсманнинг жамоасига ўтгани ўзи учун қанчалик фойдали бўлганини баҳолади. Футболчи Мюнхен клуби тарихидаги 80 миллион еврога тенг бўлган Лука Эрнандесдан кейин иккинчи энг қиммат футболчига айланди.
“Ўйлайманки, таркиб сифати бўйича олдинга қадам ташладим. "Ювентус" - фантастик ўйинчиларга эга ажойиб жамоа, мен у ерда яхши вақт ўтказдим, аммо "Бавария" Чемпионлар лигасида ғалаба қозониш амбицияларига эга. Бу ерда ўзимни яхши ҳис қиляпман", дея де Лигт сўзларини келтиради NOS.
Эслатиб ўтамиз, де Лигт янги мавсумда Германия чемпионатининг 6та ўйинида 1та гол урган эди.
