Шотландия терма жамоаси бош мураббийи Стив Кларк Миллатлар лигаси гуруҳ босқичида Украина терма жамоасига қарши бўлиб ўтадиган ўйин ҳақида гапирди.
"Биз яқинда Украина билан ўйнадик, бу ЖЧ-2022 саралашининг плей-офф босқичидаги ўйин эди. Кейин улар ғалаба қозонишди. Рақиб қанчалик кучли эканлигини энди тушуниб етдик. Ишончим комилки, улар ҳам худди шундай савияда ўйнашади. Яхши натижага эришиш учун ўйинимизни яхшилашимиз керак", - деди бош мураббий Sky Sports билан суҳбатда.
Бугун, 21 сентябрь куни Глазгода Шотландия ва Украина терма жамоалари ўртасидаги учрашув бўлиб ўтади. Учрашув Тошкент вақти билан соат 23:45да бошланади.
