"Барселона" ярим ҳимоячиси Серхио Бускетс МЛСнинг "Интер Майами" клубига ўтиш борасида музокаралар олиб бормоқда, дея хабар беради Diario Sport.

Серхио каталонияликлар сафида 686 учрашувда 18 та гол урди ва 36 та голли узатмани амалга оширди. "Барса"да ярим ҳимоячи 32 та соврин ютган. Бускетс Испания терма жамоаси таркибида 133 та ўйин ўтказди, у икки марта Европа чемпиони (2008 ва 2012) ва бир марта жаҳон чемпиони (2010) бўлди.

"Барселона" Испания Примеранининг жорий мавсумда олти турдан сўнг 16 очко билан турнир жадвалида иккинчи ўринда бормоқда. Кейинги ўйинда Хави шогирдлари сафарда "Мальорка" билан ўйнайди (1 октябрь, Тошкент вақти билан 23:59).