"Барселона" ярим ҳимоячиси Френки де Йонг ҳар доим клубда қолишни хоҳлаганини айтди.
"Мен ҳар доим "Барселона"да қолишни хоҳлаганман ва бу ёзда ҳам... Шунинг учун мен доимо совуққонликни сақлаганман. Клубнинг ўз позицияси бор, меники эса, баъзида улар бир-биридан ажралиб кетишади. Аммо ҳаммаси яхши бўлди", - деди ярим ҳимоячи.
Жорий ёзда ОАВ 25 ёшли нидерландиялик футболчи "Аякс"да унга мураббийлик қилган Эрик тен Хаг билан бирга ишлаш учун "Манчестер Юнайтед"га ўтиши ҳақида қайта-қайта хабар тарқатган эди.
Жорий мавсумда де Йонг “Барселона” сафида барча мусобақаларда 8 та ўйинда майдонга тушди ва битта гол урди. Унинг клуб билан шартномаси 2026 йилгача мўлжалланган.
