"Ницца" раҳбарияти даниялик дарвозабон Каспер Шмейхелнинг хатти-ҳаракатларидан норози, деб хабар беради RMC Sport.

Манбага кўра, дарвозабон мунтазам равишда тартиб-интизомни бузади, жамоа йиғинларига кечикади, шунингдек, дам олиш кунларида жамоа белгилаган қоидаларни ҳам менсимайди. Даниялик вакиллари клуб хўжайинидан "Тулуза" билан ўйинда Шмейхелни асосий таркибга қўйишни сўрашган, аммо жамоа бош мураббийи Люсен Фавр бу қарорни қўллаб-қувватламади ва бошқа дарвозабонни майдонга туширди.

35 ёшли Шмейхель жорий мавсумда "Ницца" сафида 9 та ўйинда майдонга тушиб, 9 та гол ўтказиб юборди. Унинг клуб билан шартномаси 2025 йилнинг ёзига қадар мўлжалланган.