"Барселона"нинг франциялик ҳужумчиси Усмон Дембеле ўтган беш йилни беҳуда деб атади.
"Ҳар қандай одам каби мен ҳам ёш эдим. Мен доимо сон мушакларимдан жароҳат олдим. Бунга йўл қўймаслик учун кўп меҳнат қилишим кераклигини айтишди. Ҳамма нарса кескин ўзгарди. Куман ва Хави қўл остида ҳаммаси яхши бўлди. Ўшандан бери мен жароҳат олмадим. Мен "Барселона"да бахтлиман ва клубнинг менга бўлган ишончини ҳис қиляпман. Беш йилни беҳуда ўтказдим, аммо ҳозир ҳаммаси анча яхши", - деди Дембеле.
25 ёшли Дембеле жорий мавсум каталонияликлар сафида 8 та ўйинда майдонга тушиб, 2 та гол урди ва 4 та голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.
