Машҳур қўшиқчи Шакира "Барселона" ҳимоячиси Жерар Пике билан ажрашганидан кейин биринчи марта интервьберди.

"Бу ҳақда гапириш қийин, чунки мен ҳали ҳам хавотирдаман. Мен ҳамманинг кўз ўнгида бўлганим учун, бизнинг ажралишимиз оддий ажралиш каби эмас. Нафақат бу биз учун, балки фарзандларимиз учун ҳам қийин бўлди. Бу жуда қийин" - деди колумбиялик хонанди Elle журналига берган интервьюсида.

У болаларни ушбу вазият таъсиридан ҳимоя қилиш учун кўп куч сарфлаганини таъкидлади, шунингдек, Пике уларни тарбиялашда тўғри қарор қабул қила олишига ишонч билдирди.

Шакиранинг сўзларига кўра, муносабатларнинг маълум бир босқичида у ўз карьерасини оиласи учун қурбон қилган, чунки Жерар фаол иштирок этиб, "Барселона"га унвонлар олиб келган.