Италиянинг "Сампдория" футбол клуби янги хўжайинга эга бўлиши мумкин. Ansa нашрининг хабар беришича, Қатар амири оиласи аъзоси Холид Фалех ал-Тани клуб акциялари тўпламини сотиб олиш ниятида.
Манбанинг тарқатган хабарига кўра, жамоанинг собиқ ўйинчиси Ивано Бонетти ва кинопродюсер Франческо ди Сильвиолар ҳам ушбу битимда иштирок этишни истамоқда.
Италия чемпионатининг янги мавсуми клуб учун муваффақиятсиз бошланди. "Сампдория" етти турдан кейин икки очко тўплади ва турнир жадвалининг пастки қисмига жойлашди.
Жамоа 2 октябрь куни "Монца"га қарши навбатдаги ўйинни ўтказади.
