"Манчестер Сити" ярим ҳимоячиси Жек Грилиш Sky Sports эксперти Грэм Сунессга жавоб қайтарди.
Сунесс аввалроқ инглиз футболчисини танқид қилганди. Эслатиб ўтамиз, "Ливерпул"нинг собиқ футболчиси яқинда Грилишни яхши футболчи деб ҳисобламаслигини айтган эди.
“Мен унинг муаммоси нима эканлигини тушунмаяпман. У ҳар доим мен ҳақимда нимадир айтади. Мен ўқимасликка ҳаракат қиламан, лекин бу қийин" - деди Грилиш матбуот анжуманида.
Эслатиб ўтамиз, Грилиш Англия Премьер-лигаси тарихидаги энг қиммат футболчи ҳисобланади. 2021 йилнинг ёзида "Манчестер Сити" ярим ҳимоячи учун "Астон Вилла" клубига 120 миллион евро тўлаганди.
Янги мавсумда Грилиш Премьер-лигада "Вулверхэмптон" дарвозасига битта гол урди.
