Россиялик 15 ёшли футболчи Амир Ибрагимов "Манчестер Юнайтед"нинг 21 ёшгача бўлган футболчилардан иборат ёшлар жамоасида дебют қилди.
Биринчи ўртоқлик ўйинида ёш футболчи "қизил иблислар" сафида голли узатмани амалга оширди. Қизиғи, яқинда Амир 18 ёшгача бўлганлар ўртасидаги илк учрашувни ўтказганди.
"Манчестер Юнайтед" қоидаларига кўра, Ибрагимов яқинда шартномаси узайтирилганидан кейин 17 ёшгача бўлган клуб тизимида қолади. Ўшанда у ўзининг биринчи профессионал шартномасини имзолаши мумкин бўлади.
Амир "қизил иблислар" академиясининг энг умидли футболчиларидан бири саналади. Ўтган мавсумда Ибрагимов 15 ёшгача бўлган жамоада сардорлик боғичини тақиб юрган ва ёшига қараб Англия терма жамоасига ҳам чақирилган.
