“Интер Майами” ҳужумчиси Гонсало Игуаин футбол касбидаги қийинчиликлар ҳақида гапирди.
"Кўпчилик футболчиларнинг ҳаёти осон, деб ўйлайди, аммо бу тўғри эмас. Биз оддий одамлардек кўчада юра олмаймиз. Агар сизни ҳақорат қилишса, жавоб бера олмайсиз, чунки акс ҳолда сизда катта муаммолар бўлади ”, деди Игуаин Tyc Sports нашрига берган интервьюсида.
Футболчининг "Интер Майами" билан шартномаси 2022 йилнинг 31 декабригача амал қилади. Аввалроқ, футболчи шу йил охирида фаолиятини якунлашни режалаштираётганига шама қилган эди.
Игуаин “Реал”, “Наполи”, “Ювентус”, “Милан” ва “Челси” клубларида ўйнаган.
