Италия терма жамоаси бош мураббийи Роберто Манчини Миллатлар лигасида Англияга қарши ўйин олдидан терма жамоага янги келган футболчилар ҳақида ўз фикрларини билдириб ўтди.
“Биз ҳар доим ғалаба қозониш учун жамоани яхши ўйин кўрсатишига ҳаракат қилганмиз. Терма жамоага тажрибага эга бўлмаган, аммо сифат кўрсатадиган янги футболчилар жалб этилган. Мен уларнинг яхши кайфият ва ажойиб ўйин кўрсатишини истайман", - деди Манчини.
Италия ва Англия терма жамоалари ўртасидаги учрашув эртага, 23 сентябрь куни бўлиб ўтади. Бошланиши Тошкент вақти билан 23.45 да.
