"Реал Мадрид" ҳимоячиси Антонио Рюдигер "Штутгарт" сафида ўйнаб юрганидаги тартиб-интизоми билан боғлиқ муаммолар ҳақида гапирди. Футболчи 2011-16 йиллар давомида немис клуби шарафини ҳимоя қилган.
"Штутгарт"да кўплаб қизил карточкалар олардим. Ота-онам менга психологга мурожаат қилишни маслаҳат беришди, аммо бу ёндашув мен учун эмас. Мен нотанишлар билан учрашишни ва уларга муаммоларим ҳақида гапиришни ёқтирмайман", - дея Рюдигернинг сўзларини келтиради Marca.
"Штутгарт" сафида Рюдигер 80 та ўйин ўтказиб, 10 та сариқ ва иккита қизил карточка олган. Футболчи “Рома” ва “Челси” клубларида ҳам ўйнаган.
29 ёшли германиялик футболчи жорий мавсумда Ла Лиганинг 6та ўйинида майдонга тушиб, 1та гол урди.
