"Челси" ярим ҳимоячиси Нголо Кантега "Ювентус" ва "ПСЖ" қизиқиш билдирмоқда.
Айни дамда итальян клубининг ярим ҳимоячига бўлган қизиқиши юқори даражага чиқмаган. Кўплаб клублар, жумладан, "ПСЖ" ҳам Канте ва "Челси"нинг янги шартнома борасидаги музокараларини кузатиб бормоқда.
"Ювентус" Нголога биринчи марта "Челси" ҳимоячи Маттейс де Лигт ҳақида итальян клубига мурожаат қилганида қизиқиш билдирган. Бироқ Массимилиано Аллегри "Ювентус"да Жоржиньони кўришни истади, деб хабар беради CBS Sports.
Кантега потенциал даъвогарлар Грэм Поттернинг "Челси" бош мураббийи этиб тайинланиши катта ўзгаришларга олиб келиши мумкинлигини билишади.
31 ёшли ярим ҳимоячи "Челси"нинг энг кўп маош олувчи футболчиларидан бири бўлиб, бу трансферни мураккаблаштиради. Янги ярим ҳимоячининг сотиб олиниши ҳам шартнома бўйича музокараларга таъсир қилиши мумкин.
Бундан ташқари, ўтган ёзда "Ювентус" "Челси"дан ярим ҳимоячи Кристиан Пулишични сотиб олиш имконияти билан ижарага олмоқчи эканлиги ҳақида хабарлар тарқалган эди. Америкалик футболчи ҳам "Юве"га ўтмоқчи эди, бироқ клуб дастлабки музокаралардан сўнг унинг трансфери бўйича таклиф билан чиқмади.
"Челси" Канте билан янги шартнома борасида келиша олмагани хабар қилинганди. Унинг амалдаги шартномаси муддати 2023 йилнинг ёзига қадар мўлжалланган.
