Италиялик ярим ҳимоячи Сандро Тонали Миллатлар лигаси доирасида Англияга қарши ўйинда жамоасига ёрдам бермайди. Футболчи жароҳат олган ва бугунги машғулотларда қатнашмади. Бу ҳақда итальян нашрлари хабар бермоқда.

Шифокорлар Тоналига мушакларнинг енгил жароҳати ташхисини қўйишди. Ярим ҳимоячи душанба куни терма жамоага қўшилганида тўлиқ тайёр бўлмаган, аммо сўнгги икки кун давомида қолган гуруҳ билан бирга машғулот ўтказган.

Хабарда айтилишича, Манчини эҳтиёт чораси сифатида Тоналига дам беради. Тонали душанба куни Венгрияга қарши ўйинда майдонга тушишга умид қилиб, жароҳати унчалик жиддий бўлмаса, жамоада қолади.