“Атлетико” ва Португалия терма жамоаси ҳужумчиси Жоау Феликс айни дамда миллий терма жамоа билан бирга. Бироқ, Marca нашрининг хабарига кўра, 22 ёшли футболчи жароҳати сабаб ҳамюртлари билан бирга машғулотларда иштирок эта олмаяпти.
Манбага кўра, португалиялик Миллатлар лигаси доирасида Чехияга қарши ўйинда (24 сентябрь) майдонга тушмайди, бироқ форвард Португалиянинг Испания билан ўйинига қадар (27 сентябрь) тикланиш учун улгуриши мумкин.
2022/2023 йилги мавсумда Феликс "Атлетико Мадрид" сафида 8 та ўйин ўтказиб, 3 та голга ассистентлик қилган.
