“Atletiko” va Portugaliya terma jamoasi hujumchisi Joau Feliks ayni damda milliy terma jamoa bilan birga. Biroq, Marca nashrining xabariga ko‘ra, 22 yoshli futbolchi jarohati sabab hamyurtlari bilan birga mashg‘ulotlarda ishtirok eta olmayapti.
Manbaga ko‘ra, portugaliyalik Millatlar ligasi doirasida Chexiyaga qarshi o‘yinda (24 sentyabr) maydonga tushmaydi, biroq forvard Portugaliyaning Ispaniya bilan o‘yiniga qadar (27 sentyabr) tiklanish uchun ulgurishi mumkin.
2022/2023 yilgi mavsumda Feliks "Atletiko Madrid" safida 8 ta o‘yin o‘tkazib, 3 ta golga assistentlik qilgan.
