"Милан" бош мураббийи Стефано Пиоли жамоанинг мавсумдаги мақсадлари ҳақида гапирди.
«Миланда ўзимни уйдагидек ҳис қиляпман ва ўзингни уйингдагидек ҳис қилганингда, бошқа вариантларни кўриб чиқишни истамайсан.
Ҳали қиладиган ишларимиз кўп, лекин мен шартномам ёки келажагим ҳақида мутлақо хавотирга тушмайман.
"Милан"нинг мақсади - рақобатбардош бўлиш ва совринлар ютишдир. Биз ёш жамоа бўлиб, ривожланишда давом этишни истаймиз, лекин бизда юқори чўққиларга интиладиган ишонч бор», - дея Пиоли сўзларидан иқтибос келтиради Football Italia.
«Милан» Италия чемпионатида 7 турдан кейин 14 очко билан 5-ўринда бормоқда. А Сериянинг навбатдаги, 8-турида “қизил-қоралар” 1 октябрь куни “Эмполи”га қарши баҳс олиб боради.
