Уэльсга қарши ўйиннинг 10-дақиқасида Кевин де Брюйне ҳисобни очди.
Бельгия терма жамоаси Миллатлар лигаси доирасида Брюсселда Уэльсни қабул қилмоқда (1:0, биринчи бўлим).
“Манчестер Сити” ярим ҳимоячиси кетма-кет бешинчи учрашувда самарали ҳаракат билан ажралиб турди.
У "Сити" билан олдинги тўртта ўйинда бешта голли узатмани амалга оширган. Шу тариқа, сўнгги бешта ўйинда унинг ҳисобида клуб ва терма жамоа учун “гол+пас” тизимида 6 очко (1+5) мавжуд.