"Манчестер Сити" ярим ҳимоячиси Риёд Махрез ўзининг профессионал фаолиятини "шаҳарликлар" сафида якунламоқчи эканлигини тан олди.
Эслатиб ўтамиз, ёзда 31 ёшли ярим ҳимоячи Хосеп Гвардиола жамоаси билан шартномасини 2025 йилгача узайтирганди.
"Албатта, мен "Манчестер Сити"да фаолиятимни якунлашни хоҳлайман. Ўйлайманки, мен узоқ вақт давомида ўйнай оламан. Келажакда нима бўлишини кўрамиз. Билмайман. Мен ҳали ҳам ўйлаяпман. Мен футболни яхши кўраман, шунинг учун қарор қабул қилиш осон бўлмайди”, - деди Махрез “Манчестер Сити” расмий сайтига.
Махрез "Манчестер Сити"га 2018 йилнинг ёзида "Лестер"дан келиб қўшилган эди.
