"Нефтчи" бугун қўшни Қирғизистон Республикаси Премьер лига иштирокчиси Ўш шаҳрининг "Каганат" клуби билан майдонда рақобатлашди.

Беллашув ўртоқлик мақомида ўтганлигига қарамай майдонда ҳақиқий жанг кечди. Фарғоналиклар биринчи бўлимнинг 12 дақиқасидаёқ ҳисобни очишга муваффақ бўлди. Майдон марказига яқин жойдан Дониёр Валиевнинг чиройли узатмасидан сўнг дарвозабон билан бирга-бир вазиятга чиқиб борган Шаҳзод Убайдуллаев хисобни очишга эришди. Шундан сўнг "Нефтчи"да бир қанча яхши имкониятлар юзага келди, бироқ самарадорлик борасида жамоа оқсади. Меҳмонлар ҳам биринчи бўлим якунинида хисобни тенглаштириш учун хужумга ўта бошлашди ва бу якунда ўз самарасини берди. "Каганат" бурчак тўпини амалга оширгач, химоячилар ҳатосидан унумли фойдаланган Бегзадбек Насиров ҳисобни 1:1 кўринишига олиб келди. Ушбу ҳисоб биринчи бўлим охиригача сақланиб қолди.

Иккинчи бўлимда фарғоналиклар захирадаги ўйинчиларни майдонга туширгач, ўйин анча жонланди. Бир қатор хужумлар хавфли вазиятларга олиб келди. Лекин барча уринишлар самарасиз якунланди. Гоҳида рақиб посбони яхши ҳаракат қилган бўлса, гоҳида футболчиларга омад етишмади. Стадионга ташриф буюрган муҳлислар иккинчи бўлимда бошқа гол кўришмади ва таблода 1:1 ҳисоби ўзгаришсиз қолди.

"НЕФТЧИ " 1 : 1 "КАГАНАТ"

"Нефтчи": 69 Евгений Конюхов (1.Машхур Мухаммадджонов, 46), 44.Дарко Станоевич (4.Андрей Мишенко, 46), 21.Мухсин Убайдуллаев, 31.Нодир Неъматхонов(26.Алексей Ларин,46), 70.Аббос Ғуломов, 88.Дониёр Валиев(22 Умар Адхамзода, 68), 6.Сирожиддин Қўзиев, 17.Абдуллоҳ Олимов(13 Лутфулла Тўраев, 68), 25 Дониёр Мадаминов(19 Мирзоҳид Ғофуров, 68), 9.Суннатилла Абдуллажонов, 46.Шахзод Убайдуллаев(76 Фаҳриддин Мухаммадов, 71).