Бразилия терма жамоаси ҳужумчиси Ришарлисон ўртоқлик учрашувида Гана устидан қозонилган ғалаба (3:0) ҳақида фикр билдирди. Бу учрашувда у иккита гол урди.
“Умид қиламанки, бразилиялик мухлислар менга кўпроқ ишонишади, чунки бу ерда терма жамоада мен кўп гол ураман. Мен 9-рақамли форма кияман ва ҳар сафар уни кийганимда гол ураман. Терма жамоага келиб, мен ўз ишимни жимгина бажараман", - дея Ришарлисоннинг сўзларини келтиради Reuters.
27 сентябрь куни Бразилия терма жамоаси ўртоқлик ўйинида Тунисга қарши майдонга тушади.
