Украина терма жамоаси бош мураббийи Александр Петраков Миллатлар лигаси доирасида Арманистонга қарши бўлиб ўтадиган ўйин ҳақидаги фикрлари билан ўртоқлашди.
"Мен Арманистон терма жамоасининг кўплаб ўйинларини кўрганман. Уларда яхши мураббий, испаниялик мутахассис бор. Рақиб ўз майдонида ўйнайди. Биласизми, биз ҳозир уйда ўйнай олмаймиз, биз доим меҳмонда ўйнаймиз, шунинг учун мен шундай ҳисоблайман. Эртанги ўйинда имкониятлар 50 га 50. Зинченко Украина терма жамоаси етакчиси, у бизга етишмаяпти, аммо футбол ҳаёти шундай. У менга қўнғироқ қилди, жароҳати ҳақида айтди. У ёрдам бера олмаслигидан ҳафсаласи пир бўлганини айтди. Бизда ҳозирча бешта асосий ўйинчи йўқ. Бу биз учун жуда кўп, аммо бошқа ўйинчиларга имконият бўлади”, - деди Петраков УЕФА расмий сайтига.
