"Милан"нинг собиқ бош мураббийи, ҳозирда Мадриднинг "Реал" клубини бошқараётган Карло Анчелотти ҳужумчи Роналдонинг клубга қандай келганини эслади.

“Милан”да ишлаганимда биз Роналдо билан шартнома имзолагандик. Унинг вазни 100 килограмм эди, биринчи ўйин олдидан мен унга бундай вазн билан ўйнай олмаслигини, озиш кераклигини айтдим.

У эса "Мендан нима қилишимни хоҳлайсиз, гол уришимними ёки югуришимними?" - деганди. У ўйнади, югурмади, аммо иккита гол урди", - деди Анчелотти.

Роналдо 2007-2008 йилларда "Милан"да ўйнаган. Роналдо фаолиятининг асосий қисмини "Реал" сафида ўтказган (2002-2007). Шунингдек, у 2 карра жаҳон чемпиони ҳисобланади.