"Милан" ва Франция терма жамоаси дарвозабони Майк Меньян жароҳати сабаб бир ойни ўтказиб юбориши мумкин, деб хабар беради RMC Sport Sky Sport нашрига таяниб.

27 ёшли франциялик Миллатлар лигасининг 5-туридан ўрин олган Австрия терма жамоасига (2:0) қарши ўйиннинг танаффус вақтида алмаштирилди.

Манба берган хабарга кўра, дарвозабон чап оёғининг болдир мушаги шикастлангани учун бир неча ҳафта майдонга туша олмайди.

Шу тариқа, Меньяннинг жароҳати ҳақидаги малумотлар тасдиқланса, у Чемпионлар лигаси доирасидаги "Челси” (5 ва 11 октябрь), шунингдек, А Сериянинг "Ювентус”га (8 октябрь) қарши ўйинларини ўтказиб юборади.