"Монако" ҳимоячиси Аксель Дисаси "ПСЖ" унга ёзги трансферлар вақтида қизиқиш билдирганини тасдиқлади.
“ПСЖ билан боғланиш ҳар доим ёқимли. Мен амбицияли одамман, ПСЖ эса жуда амбицияли клуб. Аммо “Монако”да ўзимни яхши ҳис қилдим ва ўша вақтда трансфер ойнаси ниҳоясига етаётганди. "Монако"да мураббий ва директорлар менга ишонишади", - деди Дисаси.
24 ёшли франциялик футболчи жорий мавсумда “Монако” сафида 12 та ўйинда майдонга тушиб, 1 та гол урди ва 3 та голли узатмани амалга оширди. Transfermarkt портали футболчининг нархини 22 миллион еврога баҳоламоқда.
