"Бенфика"нинг чап қанот ҳимоячиси Алехандро Гримальдо клубини ўзгартириши мумкин.
"Бенфика" футболчи билан 2023 йилнинг ёзида тугайдиган шартномани узайтириш борасида келишувга эриша олмади, деб ёзади журналист Николо Скира ўз сайтида.
Қайд этилишича, Гримальдо Лиссабон жамоасини эркин агент сифатида тарк этиши мумкин. Футболчига "Манчестер Юнайтед", "Ювентус", "Барселона" ва "Атлетико Мадрид" клублари фаол қизиқиш билдирмоқда.
Аввалроқ ҳимоячини футболчининг маошини оширишни истамаган "Бенфика" шартлари қониқтирмаётгани ҳақида хабар берилганди.
Transfermarkt портали Алехандрони 20 млн еврога баҳоламоқда. Португалия чемпионатининг жорий мавсумида Гримальдо еттита жанг ўтказиб, иккита голли узатмани амалга оширди.
