“Наполи” клуби ва Словакия терма жамоасининг 27 ёшли ярим ҳимоячиси Станислав Лоботка жамоани тарк этмайди.
"Наполи" футболчи билан шартномани узайтириш борасида музокараларни бошлади, дея хабар беради журналист Николо Скира. Неаполликлар ярим ҳимоячи билан шартномани 2027 йилгача узайтириш ва унинг маошини 2,5 миллион еврогача ошириш ниятида. Лоботканинг Спалетти жамоаси билан амалдаги шартномаси 2025 йилнинг ёзига қадар тузилган.
Transfermarkt портали футболчини 20 миллион еврога баҳоламоқда. А Сериянинг жорий мавсумида Станислав 7 та ўйин ўтказиб, 2 та гол урди ва 2 та голли узатмани амалга оширди.
"Наполи" 17 очко билан Италия чемпионати турнир жадвалида пешқадамлик қилмоқда.
