Лионель Месси терма жамоалар сафида гол уриш борасида 3-ўриндаги футболчидан 1 та гол ортда бормоқда.

"ПСЖ"нинг 35 ёшли ҳужумчиси Аргентина терма жамоасининг Гондурасга қарши ўртоқлик учрашувида (3:0) иккита гол урди.

Унинг ҳисобида терма жамоадаги фаолияти давомида 163 ўйинда 88 та гол бор. Аргентинада узоқ вақтдан бери энг яхши тўпурар бўлиб келган - Габриэль Батистута 77 ўйинда 54 та гол урган.

Месси терма жамоалар тарихдаги тўртинчи энг яхши тўпурар ҳисобланади. Учинчи ўринни ҳозирда Малайзия вакили Мохтар Даҳари эгаллаб турибди - 142 учрашувда 89 та гол.

Али Дайи (Эрон) 148 ўйинда 109 гол билан иккинчи ўринда. Рекордчи – Криштиану Роналду (Португалия) – 189 ўйинда 117 та гол.