"Барселона" ҳимоячиси Жорди Альба жамоадаги ҳолатидан норози.
Diario Sport хабарига кўра, 33 ёшли футболчи жамоанинг асосий таркибидан тушиб қолган, аммо шунга қарамай, у таслим бўлиш ниятида эмас. Альба ғайратли ва Каталония жамоаси таркибига қайтиш истагида.
Ҳимоячи шунингдек шартномани охиригача клубда қолиш ниятида. Шу билан бирга, Жордига "Барса"нинг ҳозирги муносабати ёқмаяпти, чунки у клубга керак бўлганда маошини қисқартирган ва яна буни қилишга тайёр эди.
Альбанинг клуб билан шартномаси 2024 йилнинг ёзига қадар мўлжалланган. Жорий мавсумда у барча турнирларда 4та ўйин ўтказди ва самарали ҳаракатлари билан ажралиб турмади.
