"Тоттенхэм" ҳужумчиси Харри Кейннинг айтишича, Англия терма жамоаси ёмон натижаларга қарамай ваҳимага тушмаяпти.
“Биз ваҳима қилмаяпмиз. Биз яхшиланишни хоҳлаётганимизни биламиз.
Албатта, мухлисларнинг ҳафсаласи пир бўлганини тушунаман. Мен Англияга мухлислик қилганман ва ҳозир ҳам майдонга чиқсам ҳам, чиқмасам ҳам шундайман.
Агар биз Жаҳон чемпионатида муваффақиятли ўйнасак, кимдир бу муваффақиятсиз серияни эслаб қолишига ишончим комил эмас ва бу асосийси.
Биз ривожланишимиз керак ва буни биламиз. Мухлислар бизни доим қўллаб-қувватлашади. Душанба куни улар “Уэмбли”га (Германияга қарши ўйинга) келишларини ва бизни қўллаб-қувватлашларини биламан. Улар нима бўлишидан қатъи назар, Жаҳон чемпионати бошланишини интиқлик билан кутишади. Умид қиламанки, биз уларни яхши натижалар билан қайтара оламиз”, - деди Англия терма жамоаси сардори.
Италияга мағлуб бўлган Англия Миллатлар лигасининг "Б" лигасига тушиб кетди. Жамоа ғалабасиз бешта ўйинда битта гол урган. Англия терма жамоаси 2000 йилнинг кузидан бери биринчи марта кетма-кет учта ўйинда гол ура олмади.
