Австрия терма жамоаси бошқарувчиси Ральф Рангник Миллатлар лигаси гуруҳ босқичи сўнгги тур учрашувида Хорватия термасидан учралган мағлубият (1:3) ҳақида гапирди.
“65 дақиқа давомида ажойиб ўйин кўрсатдик. Жамоа 1:1 ҳисобида иккита яхши имкониятга эга бўлди, аммо якунда ачинарли натижага эришдик. Биз икки марта узоқ бурчакни эътиборсиз қолдирдик. Бу ўйинда тузатишлар ва алмаштиришлар бизга унчалик ёрдам бермади", - деди Рангник Rrone.Zeitung билан суҳбатда.
Миллатлар лигаси гуруҳ босқичи якунларига кўра, Австрия терма жамоаси гуруҳда сўнгги ўринни эгаллаб, "Б" дивизионига тушиб кетди.
